كل سنه وانتى طيبه يا أمى . بقلم \ أحمد شاهين
كل سنه وانتى طيبه يا أمى
عشرين هديه جوه أوضتك موجودين
جهزتهم من يوم وفاتك مرصوصين
كل يوم أدخل عليكى وافتكر
ضمتك ليا وشوقك والحنين
إوعى تفتكرى يا أمى إنى نسيتك
رغم إنك غايبه عنى من سنين
إلا إنك كل يوم عايشه معايا
تضحكيلى يفرح القلب الحزين
الهدايا دول عشانك
طرحتك توبك وشالك
شبشبك عقدك خمارك
والحلق وإسورتين
لسه ياامه موجودين
جوه أوضتك أغلى ذكرى
بقفل الباب واستكين
فوق سريرك بفتكر كل إللى فات
وف دولابك كسوتك والبطاطين
وف مرايتك لسه وشك بإبتسامته
ولعيونك ياما واخدنى الحنين
الف رحمه ونور عليكى يا حبيبتى
فى ذكرى عيدك بهدى قلبى
بهدى روحى وأحلى بوسه ع الجبين
ليست هناك تعليقات