ما بين الخصام والفرقة
خيط رفيع
استعد وعد
واحد اتنين وداع
وابنى حد فاصل
بين اللى قبل التوديع
واللى لساه فاضل
استعد
فيه فرق واضح
بين ايام الربيع
وبين الخريف
حاول تعيش اللى باقى
ولملم البواقى
قبل اما الوقت يضيع
وسيب اللى فات
ينام ف هدوء
ونام انت خفيف
الحبيب اللى اتعلم الخصام
شبه الايام
فى اى وقت يبيع
وان جه اللى جاى يصحيك
غمض عنيك
وما تمدلوش ايديك
خليك حريف
لاعبه واحدة واحدة
انت بتلعب ف الوقت الضايع
عشان بجد
انت مش حمل مناهدة
خلاص مش باقى فيك
غير ضل ضعيف
اللى جاى ف علم الغيب
وان كان الفراق صعيب
ففيه اختلاف ف انواع الفراق
من حيث التعريف
فراق الشارى
اكيد بيختلف كلى وجذرى
عن فراق البايع
الاولانى انانى
اما النوع التانى
سخيف لكن لطيف
_____________________
عبد الله الهوارى
ليست هناك تعليقات
إرسال تعليق