بقلم// صبري شومان انا الخسران
انا الخسران
حسبت حسابي في الدنيا
لقيت نفسي انا الخسران
وتاهت روحي في دروبي
ياخلق قولولي مين غلطان
اعاتب روحي واهجرها ودقة
قلبي ارسمها بدون عنوان
يادنيا كفاية ارجوكي انا
من حقي يوم افرح انا انسان
يارب الكون انا عاشقك
وفي رحابك بكون فرحان
وطلبي هو غفرانك
وبيكفي في الزمان حرمان
صبحت بتوب بلا منظر
وكأني في الخلا عريان
ونظرة عيني لوجودي
بتكرهني كما الشيطان
دنيا كلها اوهام وبحر
آلام يارب ارحمني يارحمن
خلاص مليت مدينتكم
شوارعكم وكل مكان
ودبلت كل اشجاري
وجاري اصبح الاحزان
ونور الفجر بقي ضلمة
وضي الليل حلف مايبان
بجد زهقت من حالي
صيام الفرح انا ف رمضان
صيام عالفرحة والضحكة
صيام حتي اني اكون نعسان
وصوت الطير صبح ذكري
كذلك اصبح الكروان
صبحت كفيف بيتعجز
علي همسة فكل اذان
انا المغلوب علي امري
ولا ف عمري ها اكون فنان
انا انسان ماهوش عادي
انا لوحة بلا الوان
وزمني بجد كاسرني
ولا يعرف دفي وحنان
خلاص ياقلبي قوم ارحل
واعلن حالة العصيان
انا هارميك في نار تكويك
تموت احسن تعيش متهان
ومش بطلب انا شفقة
وهمشي في سكة العميان
اعيش في خيالي افضلي
وابني من الخيال بستان
فيه الخير يكفيني
يدفيني ياخيالي
بسرعة بالأحضان
يازمني ربنا يسامحك اكيد
لامحك بجد الجد انا زعلان
سلام يادنيا بلا معني
يماتش مافيهش حتي اجوان
صبري شومان
ليست هناك تعليقات