محتار أكون
وليه بسأل عن المجموع
وأنا جمعي نتاجه دموع
وأعود وأرجع أذاكر تاني
خلاص دنيا بلاش مليت
ولاعارف لا مأوي وبيت
كفاية الحضن من أحزاني
ولا عندي معاكي قرار
ولا محدد وفيكي مسار
ولا شايف لفين وخداني
انا مهما بكون فرحان
بكون شايف طريق خسران
لكن خطوة رجوع مانعاني
وآدي حتي حبيب بيغيب
ومن غيره ده كانلي طبيب
عيون تبعد تسيبني أعاني
أعود وأسال عن الموضوع
بصوت حتي ولو مسموع
لكن برضه الحياة نسياني
لاقيت نفسي في إني أغيب
ولا أعرف في يوم ترتيب
علشان أبدأ لا اكون إنساني
ماهي الفكرة بلاش إحساس
ولا تفكر في قرب الناس
وبيع دنيا وقول كاوياني
لكن اصعب ماكان ينهار
وجود قلب بحياته عمار
علشان يبقي في عالم تاني
علي خط الوجود محتار
ومش عارف اكون طيار
لأجل أوصل لمرسي مواني
ولو حتي ده كانلي طريق
سواء بر وبحر غريق
اكيد بكرة الحياة قلقاني
ياسر الحسيني
ليست هناك تعليقات
إرسال تعليق