(( تفرق كتير )) للشاعر ~~~~ سامي ابو الغيط
تفرق كتير
************
فرق كبير
أنك تعيش عمرك وحيد
أو حتى تكون
حابس نفسك ف الوريد
أعمل لنفسك
شعاع من نور
أو حتى بالغ فى التفكير
أنك تكون فى السماء طير
روح لأى دولة بعيد
تكون فيها أكبر سفير
أقتل جواك الوحده من جديد
ياريت تغير جلدك
وبين اللئام والشمتانين
تعيش على الوتر
ما تنحرف أبعث أمل
فى نفوس الحيارى المجروحين
فرق كبير
انك تخرج من تضاريس المحن
دمر ب أيدك شرنقة الزمن
اخلق لنفسك مدينة جليد
تدوب فيها حرارة الأكتئاب
ويجرى من جديد
الدم السائل ف الوريد
وتدب حياة جوه تماثيل الجليد
وتكون بينهم أنت الزعيم
أو حتى يقولو انت الكبير
صدقنى تفرق كتير
بقلمى / سامى أبو الغيط
********************
ليست هناك تعليقات