يالي انتوا معانا = بقلمي / محمود مسعود (( شعر عامي )) تحياتي جدو عبدو
يالي انتوا معانا
ــــــ
ــــــــــــــــــــــــــــــ
اتكلم قول قول اتكلم
لحياتنا تزول ولا نتعلم
وللمجهول ياسلام سلم
ندفع آمالنا وإحنا بنتألم
قول اللي في قلبك ما تخافشي
ليه تخبي الحق و متنامشي
ربك موجود بس قول ماتندمشي
إن كنت خايف فيه رب مطلع و شايف
يابو قلب خفيف ليه تخاف من طيف
دا المولي لطيف حرك لسانك ويا الشفايف
دي حياتنا واحدة والعمر لحظة
ليه بس نخاف ونقول مين شاف
نفوسنا قادرة تعدل المايلة
الصدق قايلة حتى لو الكدب طاف
مابين الناس جوه الإحساس خليك معاف
قول علي طول كلام معقول
ما يهمك إنس في الحق خجول
أنت القوي أنت القوي أنت القوي
الحق معاك وإيش درآك إنك راح تنجي
بكلمة كذبة قلتها في ورطة أو قعدة سلطة
الحق صريح من غير تجريح
قوله وخليك لو ضد الريح
سألوا نبينا ومن حبه لينا
المؤمن يسرق ؟ قال أه !
المؤمن يذنب ؟ قال أه !
المؤمن يكدب ؟ قال لا !!
خليكوا معانا اسمعوا ندانا
الدنيا فانيا والمولي هدانا
يالي انتوا معانا صلوا علي نبينا
ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــ
بقلمي
/ محمود مسعود (( شعر عامي ))
21/1/2016 م
ليست هناك تعليقات