(( ضبط أمورك )) للشاعر ~~~~~ صبري شومان
ظبط امورك
لملم غرورك
وظبط امورك
خلاص قلبي تايه
في وسط الرماد
واقتل شعورك
وخليك في دورك
اصبح مابيني
وبينك بلاد
عادي غيابك
وايزي حضورك
ولو كان مرورك حياتي
حكمنا البعاد
وافرش زهورك لغيري
وطير طيورك لغيري
انا اصلي راسب
ف كل المواد
انا مش حضاري
إعلن سرورك
خلاص مش وصلت
لنيل المراد
صيفك شتايا
كتبت النهاية
وعكسك صفاتي
وكلك مضاد
قلبي وكياني
حلف لو يعاني
ولو كان حتى موتي
تمن للعناد
راح ادفع وأضحي
كمان حتى دمي
ولو نعي موتي
وصل للحداد
قراري الأخير
وداعا ظهورك
خلاص نن عيني
شعاره السواد
لملم غرورك
وظبط امورك
خلاص قلبي تايه
ف وسط الرماد
صبري شومان
ليست هناك تعليقات