.(سحرالكﻻم )…/ بقلم عبدالله السايح
...…… .(سحرالكﻻم )…… ...
حكينا كتير عن الأحزان
وكبرت مننا فينا
وعيشنا حقيقة الأوهام
وصدقناها وهوينا
مع إن الأمل ما نام
موجود لكننا نسينا
إن الأمل هيبان
لو بعينينا حبينا
يكون للأمل برهان
وتمسك دفته إيدينا
مش فوق مركب العصيان
ودمع يغطي ما فينا
وحزن يعيش كما البركان
يهد كل مابنينا
ويبقى في الآمل حرمان
ونوره يضيع في ليالينا
تعالوا نقول عن الغلبان
ونزرع شمسه بإيدينا
وناخد للأمل قربان
نقول نقنع محبينا
بنور شمعة في كلمة يبان
ومن كلمتنا غنينا
تعالوا نعيش بﻻ أحزان
ويكبر الأمل فينا
ونمشي وراه لأي مكان
لأن الحزن نسانا
نعيش بكره وفرحه يبان
والأمل كحل في عينينا
ليست هناك تعليقات