وحدي بموت .. !!!! ** غنائية بالعامية المصرية من كلمات عزت عبد العزيز حجازي -- تحياتى جدو عبدو

وحدي بموت!!

***********

ليه كل ما اصرُخ ع الحياه ..

تديني حته من الوجود ..

ألقاني واقف ع الحدود .

بصرخ واقول دي مُش حياه .. ؟!

وحدي بموت في كل يوم ..

ولا حد سائل ليه بموت .. ؟!

مسكين انا ويارتني اموت ..

ومرجعش تاني للحياه .. !!

مشفعش دمعي ولا أي شئ ..

ولا بر شُفته من بعيد ..

كان حقي اعيش وبأي شئ ..

ليه بس ليه ظُلم الحياه .. ؟!

أمي الحنونه جبتيني ليه ..

وسبتيني ليه وسط الظلام ..

ده الحلم تاه ومعدش توت ..

والحق ضاع وسط الضلال .. 

وحدي بموت .. !!!!

****

غنائية بالعامية المصرية

من كلمات

عزت عبد العزيز حجازي

5/11/2015

(حقوق التأليف والنشر محفوظة)