((وقت الحساب))
***************
مهما يشقى ومهما يتعـــب
مهما يجني و مهما يكسب
مهما لف و مهما دار
فوق كعوبه ليل نهار
مهما يطلع مهما ينزل
طول حياته مهما يعمل
ابن ادم أخرُه موت
توب قماش يتلف فيه
و يترمي في حتة تابوت
ع الكتاف الناس هتاخده
للمدافن راح تجيبه
في التراب ترميه لوحده
جوة حفرة هناك تسيبه
كله يمشي حتي أهله
و يبتدي وقت الحساب
و الجزاء من جنس عمله
يا النعيم أو يا العذاب
يبقي لازم طول حياتنا
نفتكر أوقات مماتنا
و نتقي الله في عملنا
و كل حاجة من حاجاتنا
اوعا منصليش صلاتنا
اوعا منأديش زكاتنـــا
اوعا نكذب
اوعا نسرق
خلينا نراعي الضمير
خلي كل عملنا خيـــر
و نتقي فعل الفجور
لجل ما نتقل ميزاننا
لما ننزل في القبور
و يبتدي وقت الحساب
يا النعيم أو يا العذاب
ليست هناك تعليقات
إرسال تعليق