واقفلك تحت شباكك بقلم / عادل علي
واقفلك
تحت شباكك
بدمعه حزن لفراقك
واعيش في خيالي
بعنيا
يفوت الوقت
بعد ساعات
واحس كأنهم ثانيه
تعالى وطلى ف عنيا
يا ماليه الدنيا حنيه
انا من غيرك
ابقى انا مين
وبعدك روحى مش فيا
تعالى
ومديلى ايديكى
واعيش بعنيا ف عنيكى
انا من غيرك
ابقى انا مين
بعمرى
ياعمرى انا شاريكى
ده حبى ليكى
حاجه تانيه
يا احلى سعاده
فى الدنيا
تعالى
فى حضنى لو ثانيه
وضمينى بحنيه
بابص كتير
علي الشباك
على أمل انى أكون وياك
علي الحلم
اللي جي هناك
هاشوفك
وللا مش هالقاك
هاعيش
وأحلم وهاستناك
انا اللى بادوب
كتير فى هواك
دى فرحه قلبى
هى رضاك
ده قمرى وليلى
فى عنيكى
وحلم العمر أكون ليكى
انا باتمنى
أكون نجمه
تنور ليكي لياليكي
كتير باحلم اكون ورده
تاخديها برقه بايديكي
كتير باحلم اكون بسمه
اشوف فرحتها في عنيكي
كتير باحلم ومشتاقلك
تلاقيني فى حضنى والاقيكي
انا املي اكون جنبك
تحسي حناني واراعيكي
بهمس الحب
باسمعلك
بنبض القلب
باندهلك
واسيبك بس بارجعلك
ما انا زيك غلبنى الشوق
انا كلى
اكيد منك
باسيبك
بس قلبي معاك
وباحلم تاني يوم القاك
واشوف
الحلم في الشباك
ليست هناك تعليقات