الشاعر ///// #‏عادل_عوف‬ ******* المواطن المصري يقدر يعيش بتلاته جنيه في اليوم،،،

‫#‏عادل_عوف‬

المواطن المصري يقدر يعيش
بتلاته جنيه في اليوم،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،ع

ده كلام يتقال ياسمك ايه
ازاي هنعيش بتلاته جنيه
ده مبلغ جامد اقوى جبار
محتاج جردل م الأفكار
يقولنا نعمل بيهم ايه

هات بجنيه الصحه لحوم
وهات بجنيه الخدمه هدوم
وهات بالباقي حلاوه ودوم
إنشاءالله تدوم الوكسه عليه

اهو قالك اهو وبلاش تبذير
هات م الزند العجل كبير
سيب الهم لأبو التدابير
عنده اكيد الحل فيه ايه

عندك حق وسيد الكل
عشتك ناعمه وفل الفل
هي الناس واخده علي الذل
وانت كبير ياساعدة البيه

واحد يطلع شدوا حزامكوا
والثاني حكمه وبرده قسامكوا
يبقى كفايه إن قال قدامكوا
إن مافيش اديكوا منين

‫#‏عادل_عوف‬