قراية الفنجان = الشاعر السوري المهجري اليان سمعان -- تحياتى جدو عبدو

=}{===}{ قراية الفنجان }{===}{=

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

طلت عليي بجفنها النعسان

}{===}{ وكنت بعدي الصبح عم صلي

رفعت ايديي وناديت هالرحمان

}{===}{ تمتم حكي ماعرفت شو صرلي

يقبل صلاتك رضى ربنا الديان

===}{ شو كنت عم تدعي ياريتك تقلي

جيب هالقهوة واعملنا فنجان

}{===}{ وطب الفناجين لانشوف شو الغلة

قلبك حبيبي من العشق تعبان

}{===}{ وعاطارف الفنجان في عنقود متدلي

العنقود يعني خمر لاحبك العطشان

}{===}{ وتفاح احمر علق عاطوارف السلة

التفاح يعني خطية بتراود الانسان

}{===}{ ضيفة مرقت عندك اوعاك توصلي

كمشة كرز طيب من رزق هالبستان

}{===}{ مرضان وشفافك عسل موصوف للعلة

جن الشعر بكير واشتغل عجان

}{===}{ ويخبز حروف الحلا من دون مايقلي

بغنجة حسن تركت قلب حيران

}{===}{ حلفت بعد هاك الصباح ببيتنا صلي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

الشاعر السوري المهجري

اليان سمعان