\\\ يا اللى ما تعرف جميله\\
الكلام ده للجميله
اللى كانت بنت حيله
اللى عاشت واللى ماتت
ف الجزائر الأصيله
اللى عاشت طول حياتها
والنضال كان هو زادها
اللى ضحت بالسعاده
لأجل م تفرح..... بلدها
يا اللى ما تعرف جميله
الجميله أم الضفاير
هى قالت للمغيره
أمنا ...تبقى الجزائر
ياما صبرت ع القاسيه
من جيوش استعماريه
بس نسيوا ان الجميله
والجزائر دى أبيه
ياما داقت م العذاب
لأجل م تصون التراب
الجميله كات يمامه
بس هزمت ميت غراب
م العيون دى ألف دمعه
للى كانت لينا شمعه
واللى بيها عرفنا إنى
النساء ف الدنيا جامعه
ليست هناك تعليقات
إرسال تعليق