(تأمُــــــــــــــــــــل .. ! ) بقلم / محمد عليش متولى

................ (تأمُــــــــــــــــــــل .. ! ) 

قـــــــــــــــــال :-

زعلان منك زعـــــــــــــــلان ..

يا (حُصَانة) مِنِك زعــــــــلا ن ..

ناشف ريقى وعطشـــــــــان ..

ومفيش غيرك يروينـــــــــــى .

مش حاسَّه بنارى يا( فرسة ) ..

قصدك يا - رقيقة – تكوينى ..

نار بُعدك لهلب قلبــــــــــى ..

ومفيش غيرك يطفينــــــى .

وإن مرجعتيش عن عِندِك ..

راح أشوف غيرك يصافينى ..

ويبرد نارى وأخاصمـــــــك ..

ويخاصمك عزف صهيلـــى .

***

إنسينى يا (حُصَانه) .. إنسينى ..

زعلان منك زعـــــــــــــــــــلان ..

يامُهجة روحى وعينـــــــــــــــى ..

راح أفارقك بالإحســـــــــــــــان .

......................................

قـــــــــــــــــــالت :: -

مش هاقدر ع الخصــــــــــام

ولاهاقدر ليلة أنــــــــــــــــام

إلاوعنيك فِ عنيّـــــــــــــــا

بتقول أجمل كــــــــــــــــلام .

يا(حُصَان).. بتقول هاخاصمِك..؟

دانا نبض قلبى نبضـــــــــــك

وإنت ماتقدرش تهـــــــــــــرب

لحظه من نبض قلبــــــــــــــك .

يا ( حُصان ) دانا عايشه فيـك ..

و بين كفوف إيديــــــــــــــــــك ..

و باارمح جوه دمـــــــــــــــــك ..

وضى ونورعنيـــــــــــــــــــك .. ..!

راح تقدر ع الخصـــــــــــــــــام ..

ياسلام يا(حُصَان) .. ياسـلااااام..!

آه يااانى من غلاوتــــــــــــــــك ..

ياحروف أحلى الكـــــــــــــــلام .

تقدر بأه ع الخصــــــــــــــــام ..

ليلتين بتلات أيـــــــــــــــــــام .. ؟

تقدر.. ؟ .. طب يلا جَــــــرَّب

قلبك هيقول :- حراااااااااااااام .

حرام يا ( حُصَان ) حراااااااااام .. !..

.............................................