حاول تنسى
ـــــــــــــــــ
حاول مره تسيب الذكــرى و جرب تنس
إوعاك تبكى عيونك مره قول لها لســــــه
يمكن حلمنا يوصـل بكره و نلقى المرسى
حاول تنسى ...
حاول تنسى انك بدموعــك ياما قاســـيت
عشت ليالى الحزن كتيره و ياما بكــــيت
و ان القمـَـره دى شِهـدِت ياما انك أنيــت
إوعى تفكر إنك وحدك ف جبـــال هَمـَـك
و للا ما حدش دارى بألمـك و للا بغمـك
ياما عيون سهرانه بتبكى كتــير حواليـك
ياما قلـوب هيمانـه بتشــكى هـنا قـبليــك
فـَـتـح عينك و انت تلاقــــى ..
رب كريـــــم بـيـبـُــــص عليــــك
قول له يارب ساعدنى ف همى
دى كل حمُولى رميتـــها عليــــك
إوعاك تزعل و للا تفكر تانى ف جرحك
بكره الشمس هتيجى أوام و تصالحــــــك
حاول حاول حاول حاول ...
حاول تنسى
ـــــــــــــــــ
ليست هناك تعليقات
إرسال تعليق