خدينى يا مصر ف حضنك كلمات اسامة فؤاد حنا -- تحياتى جدو عبدو
خدينى يا مصر ف حضنك
كلمات اسامة فؤاد حنا
خدينى يا مصر ف حضنك .... مهما غلطت انا برضه ابنك
ومتزعليش منى ... ندمان اكمنى .... ف يوم هنتك
شفتك يا غالية بنوته حلوة .... ملفوفة العود جميلة الخصر
وراسك دايما فى السما ...... ولا تعرفيش هزيمة وكسر
صامدة حتى فى المحن ... وفى وقت الاستعمار والاسر
راجعلك وانا مادد ايديه .... وارتمى فى حضنك يا مصر
امحى كل زلة فى تاريخك ..... واكتب بدالها شعر ونثر
وابنى بايديه فى كل حارة .... بدل العشة سرايا وقصر
لمى شمل ولادك يا بلدى ....فى الشدة وحتى النصر
ده انتى علمتينا الصبر .... وان بعد العسر يسر
ونشرتى فى الدنيا خير.... ما لهوش عدد ولا حصر
وزرعت الامل بين العرب .... ومديتى بينهم الف جسر
لانك كنانة الله فى الارض .... والمنارة فى كل عصر
ليست هناك تعليقات