(( برغم المدامع )) للشاعر ~~~~~~ عدنان سنجر المصرى

برغم المدامع وألمى اللى دامع وشاقق حشايا

برغم المقامع وساكت وسامع بأقول دى البدايه
أربى وأكبر وللقلب أصبر هيرجع حبيبى أكيد ف
النهايه وأشيل همى بإيدى وأنفض وريدى وهأكتم
أسايا حبيبى وحيدى يخلص لجيشه يسافر معايا
يحضر جوازه يجهز جهازه نكمل حياتنا ونوصل لغايه
مسافر حبيبى لأجلن يعود يودع زمايله يودع جرايه
يسلم لمدفع يلملم بارود يحصن لنفسه يعدل مرايه
شاويش أصله خارج واخدها بصمود لربى العطايا
واقف يدافع وحامى الحدود يسلم لغيره يرجع هنايا
باقى لحبيبى يوم أو يومين مفصل لبدله مفصل عبايه
لزوم القيامه ولأجل الجواز هيعقد ونمشى يحقق منايا
قاعد متابع محنى الحضور محضر مهور أكمل عشايا
شفت الدمار وحاسس بنار وكم المرار وكابرة البلايا
رساله لعمده توضح حقيقه ونفس الرساله تبلغ عزايا
إبنى اللى راجع مفروم ألف حته ده كومه ف ملايه
إبنى اللى راح وحق الصباح ما هأسكت ولازم أبين
خبايا وأجيب حقه لازم وهأكتب ملازم وأعدد مزايا
وهأكتب بإيدى وأأبن وليدى وأنشد قصيده وهأحكى
الحكايه ليه إتقسمنا لقتل إبتسمنا وفين الهدايه حقد
وشماته وكم الغتاته بنلعن لبعض ونظهر بلايا وننزل
نشارك ونعلن معارك ونضرب عيال ونهتك صبايا وماحد
عامل حساب للقانون مال والبنون ونفرض جبايه مادد
سنين برغم إن إنى قتيل الكمين ونفسى الهدايه
ونفسى نعود ونترك بارود لمصر السلام لمصر التحايا