خداع ، بقلم / محمد فرغلي

ليه الكلمة استكترتيها

ولالغيري خلاص قولتيها

كل حروفي ماعتش تهمك

ولانسيتي كمان معانيها

******

قلتي في يوم انك عشقاني

وانك عاشقة كمان ألحاني

ولانسيتي حروفي ف حبك

وسيبتي قلبي عليل بيعاني

******

نكدب ليه ونزيد ف خداع

تشتري ليه من خان وباع

وتبعي القلب اللي حبك

وتزيدي فيه الاوجاع

******

ليه خبيتي كان م الاول

ليه خليتي الفترة تطول

كنت هاقولك مليون شكرا

من غير ما مشاعرك تتحول

******

انا باستكفي منك ظلم

قلبي خلاص مليان بالهم

هجرك بعدك قسوة تموت

حتي عيوني بتبكي بدم