كلمات الحسينى الشربينى عنوان القصيدة الحبايب

شوق وحنين بالمطار
قبل الصعود القلب طار
طار الى ام الحبيبة
مصر الامان والعمار
رقص الورق ويا القلم
نادى عليهم النغم
زغرد عبرى ع الورق
والفرحة مسحت الالم
العمر فى الغربة اتسرق
احساسى شاعر اتحرق
غنى قلبى للحنين
وذكرياتى والسنين
زمن الطفولة وانا صغير
اول مراحل كنت اسير
فى الغربة كانت لى دليل
هذمت بيها المستحيل
من حبى ولهفة شجون
طيرى ياطيارة الجنون
قربينى من الحبايب
من سنين انا والله غايب
رجعينى لحضن امى
للدفا ويا الحنان
حسسينى بالامان
حسسينى بالحنان
طيرى طيرى فى العنان
شوقى للدفىء بجنان
رجعينى لنن عينى
اللى ربانى سنينى
ابويا الحر الاصيل
صاحب الراى العظيم
طيرى يا طيارة طيرى
للحبايب رجعينى