مسافر ، بقلم / عونى هشام

عايز اسافر طب وليه

السفر مكتوب عليا

الحبايب هما هما والصحاب

ليه قلوبهم آسيا بيا

لما ترجع يحضنوك

كل واحد له هدية

وان غادرت ما ودعوك

ولو برنة مجانية

تعبت على حالى وحالى

افتكرت طباع زمان

الغريب دايما في بالى

والقريب مليان حنان

الصحبة كانت اهلنا

واهلنا هما الجيران

اليوم تكون ساكن ببيت

الجيران ما يعرفوك

جايز يكون فيهم حبيب

كان من زمان ما يتركوك

البوم يعدى ما يعرفك

حتى بسلام

وكأنه ماضى وانتهى

ومفيش كلام

ياريت تعود تانى المحبة

والموده بلاش خصام

باحلم تعود تانى الليالى

والامانى والوئام

وعشان يعود تانى الزمان

والكل يشعر بالامان

نجيب زمان مش مننا

وناس معاه من غير مكان

عايز اسافر روح يا ابنى

في سكتك

وان جيت في يوم

تسأل علينا

اتنسيتا

واتنسى معانا المكان