آاااه يا بلد ، بقلم / أبو عمار المصري

آاااااااااااااااااااااااااااااه

آاااه يا بلد

الغالى فيكىما لوش تمن

تسقينى من مر الشقا

وتسقى تعابينك لبن

مدك ...وجزرك

غرق النور فى الضلام

والحلم تايه فى الزحام

طفلك عجوز

شمسك ..بتهرب م النهار

والأرض

عاشقة للدوار

كل الطيور

راح صوتها

صوت فى الشقشقة

واللى خدوكى مننا

خمسين قناع

وألف بوز

عاملين لسانهم مشنقة

مستنيين

الدور يا حلوة

جاى لمين

حلم السنين

ضاع بين .....و....بين

كل الغلابة المحرومين

بيرقعوا التوب الحزين

ببقايا لحم المحروقين

والدم يصرخ

يا وطن

تفطم قلوبنا ع المحن

تسقى التعابين

اللبن