لسَّاك فاكر ، بقلم / سامح لطف الله

لسَّاك فاكر/

لمَّا الأبلة بتمسك إيدك/

علشان تعدل خطك/

نازل يشرب آخر السطر/

أيوة بتضحك/

لمَّا قلامك جوة صوابعك/

ترعش منك/

يرقص فوق الصفحة الخرف/

لسَّاك فاكر أول كلمة/

يقولها لسانك/

وامك تضحك /

وانت تحاول تنطق حرف /

كانت الميم؟ لأ كانت به؟

نفس تاريخك قدام عنيك/

لما ولادك بتقول ته/

وانت بتضحك

وتقول به/

دايرة ودايرة قولها ياآدم/

دانت الرب شرح لك به /

علمهالك ولسلسالك/

كلنا قُلنا الميم والبه /