حسام محمود....اعتب عليكي يا مصر
اعتب عليكى يا مصر
والا اعتب علي ناسك
اللي مبيحسوش
ابدا باحساسك
يا مصر يام البلاد
مين اللى زيك مين
نفسي تنسي الالم
وابوس علي راسك
همسح دموعك بكفي
وارتاح علي صدرك
ضمينى يلا بعنف
وحشانى انفاسك
عطشان جدا يا بلدى
ولا حاجه تروينى
حالف مليون يمين
مشربش غير كاسك
يا ما نفسي اشوف الفرح
في عنيكي لو ثانيه
دة الدنيا وانتى سعيده
بتكون حاجة تانيه
هجيب الفرح ليكى
ولو التمن دمى
اموت في كل لحظه
وانا بالعلم ماسك
ليست هناك تعليقات