على الدنيا ، بقلم / هشام عوض

على الدنيا وأحوالها بقول مــــــــــــــوال

عشان الدنيا مال حالها وماللي الحــــال

الاقي الناس وأقول مالها وألف ســـــؤال

وحتى الناس ماهو فـ بالها وده المـــنوال

•••••••••••••••••••••••••••••••••••••

••••

•••••••••••••••••••••••••••••••••••••

تلاقي الجار ودا جاره ميعرفهـــــــــــوش

ولايسأل على حاله ولايهـــــــــــــموش

وتولع نار فـ بيت جاره ولاهيـــــــــــحوش

بقينا في غابه يا اخونا كأن وحـــــــــوش

•••••••••••••••••••••••••••••••••••••

••••

•••••••••••••••••••••••••••••••••••••

تشوف الناس وشوش باهته ماليها صفار

أنا وخلاص مفيش غيرنا وتولع نـــــــــــار

مفيش إحساس يشيل بينا جبال أسـوار

ونرجع تاني يجمعنا حيطان وجـــــــــدار

•••••••••••••••••••••••••••••••••••••

••••

•••••••••••••••••••••••••••••••••••••

بلدنا الخير كتير فيها يفيض ويزيـــــــــــد

وفاضل بس نحميها بإيد فـ الإيــــــــــــد

عشان اللمه تحمينا بعزم حـــــــــــــديد

ولما يشوفنا أعدائنا يغوروا بعيـــــــــــــد