بقلم احمد صبري عنوان القصيدة مفيش نصيب

لو رحت ماتبكيش
لو مرجعتش مفيش
مفيش نصيب ارجع

اوعاكي تنسيني
لو بوم تفتكريني
بلاش عينيك تدمع

من وجعي والامي
ضحيت باحلاني
او حتى مقدرتش

مش ضعف ولا قوة
نصيبي هوه هوه
من صغري معرفتش

غير غدر وخيانة
احاسيسي متهانة
من ناس تبان غلبانة
وف لحظة تقلب تخدع
مفيش نصيب ارجع

من حزني وجراحي
راح اسيبك ترتاحي
يمكن كمان ارتاح

انا مش قادر ااعيش
وانا عارف ان ماليش
نصيب من الافراح

وراضي بقسمتي
راح امشي سكتي
وحزينة يا خطوتي
كل الظروف تمنع
مفيش نصيب ارجع

لو رحت ماتبكيش
لو مرجعتش مفيش
مفيش نصيب ارجع