.......(المدثربن يحيى)......بحبك حب
بحبك حب
مايشبهشى
مايعرفشى
مايقربشى
لأيوها حب
..
بحبك حب دوبنى
ودوخنى
وسهرنى
ليالى كتيره من غير ذنب
..
بحبك حب
أرهقنى
وأتعبنى
وأنطقنى
كلاماً كنت أوصفه كلاما عيب
..
بحبك مش بمعنى الحب
بحبك مش بحب بقلب
..
بحبك زى مايكون السعات
زى ماتكون الدقايق
زى مايكون الحكاوى
زى ماتكون الحقايق
تاهوا وأستخبوا فى درب
..
بحبك يعنى مش أنسان
ولاحيوان
ولا كنبه
ولاعنبه
..
بحبك يعنى مش قادر
أوضحلك
ولا أشرحلك
ولا عارف نهايه أقولك
هى دى نقطه هدفنا
ولا عرفنا
حقيقه كنز أحلامى
ولا أوهامى
ولا بدايه شراره حب خلانى
أدوب فيكى
أعيش ليكى
ومش عارف ده سحر خطير
إلى مالكنى
وإلى ماسكنى
وإلى شاددنى لبحر هواكى
وهقدر ليله أنساكى ؟
لما يتعبنى السهر
وأبكى وأستحلف القمر
أنام ليله
وهيسبنى ؟
ولا مستنى فى يوم أبكى
ويجرى بسرعه على ضيك
يوبخنى
ويستعطف جمال حسنك
بأنه يبيعنى لسؤالك عنى؟
ياترى لسه مستنى ؟
ولا طلب منك ينام ؟
وخلى الحب الى بحجم الكون
مجرد
فكره
أو أوهام
بحبك حب .
ليست هناك تعليقات