شـــــــــــــــــــــا ر ع
إفتح فى وريدك شارع
واهرب جواه
واكتب على بابه
أسامى الشهدا هناك
واعمل قلبك قبر لغيرك
إدفن فيه أوجاع شرايينك
يمكن تلقى النبض حياة
لملم كل التايه فيها
دور ع الضايع ..تلاقيها
تحضن غيبتك
وتطبطب بكفوف الحنة
تصبغ شيبتك
..تنسى الآه
واتمدد فى عيون شمستها
واسهر غنى ف نور قمرتها
واتوضى ف نيل من دمعاتها
إنوى الحب صلاة
حب ترابها وطير فى سماها
دوب دمك فى عروق طينها
واحضن نورالفجرالطالع
لم اللى يحبها م الشارع
واعمل شارع تانى جديد
إرسم علي بابه الأحلام
وعيون الأطفال التايهة
إرسم مركب بشراع واحد
فيه 90 مليون مقداف
سيبه ف نهر وريدك يجرى
شايل حب لكل الناس
وبذورخير
أبدرها
حتكبر وتفرع
وتضلل ع الكل هناك
واختار من كل الأسماء
إسم منور لون الفجر
يملا الشارع ضى وطهر
سمى الشارع ..مــصـــــر
شمى الشارع..مــصــــــر
ليست هناك تعليقات
إرسال تعليق