الإنكسار ، بقلم / خالد حداد

لذة السكر ف ملامحك

أحلى من طعم الخمور

يلى شوقك ليا فاضحك

ليه نلف و ليه ندووووور؟

اصلبينى فوق شفايفك

واعذرينى إن كنت شايفك

بس واقف و ف مكانى

رددينى ف الأغانى

معنى غير كل المعانى

يحتويكى و يحتوينى

اقتيلنى.......اقتلينى

أنا راضى تِبقى قبرى

دوقينى شهد صبرى

طهرينى من ذنوبى

و اغسلينى م الخطايا

و اكرهى الليل اللى بَعَد

بين خُطاكى وبين خُطايا

رتلينى بين أياتك

و اذكرينى فى صلاتك

قلبى زاهد وأنتى كعبة

نِفسى مرة يوم أطوفك

انطقينى بين حروفك

و انحتينى ع الصخور

ارسمينى بريشة نور

وردة حمرا ع الغلاف

قلبى خاف لما حبك

قلبى حبك لما خاف

اندهينى بين سطورك

هتلاقينى جى جارى

زى غريب وإنتى دارى

زى مَِنفى و إنتى وطنى

زى نسيم فالليل وسارى

فوق خدودك يا حبيبتى

أيوه عاشقك بس إنتى

بعترينى جوا مِنك

لملمينى من سُكات

احبسينى بين ضلوعك

و اسألينى عن دموعك

لما ابنك راح و سابك

ماشية فالطريق لوحدك

و اسألينى عن عَذابك

لما شافلوا حبيبة بعدك

هقولك إن اللوم عليكى

واسألى جناين عينيكى

لما جه يقطف صباحُه

... بعد طول الانتظار

جم ديدان الغيط وراحوا

مَصوا غُصن الانتصار

جه يدور ع الكرامة

طردوا منك الانكسار

طردوا منك الانكسار