الضمير ، بقلم / عونى هشام

يا حاملين القلم

حبرك ها يكتب ايه

هاينصر اللى انظلم

ولا انت تبقى ايدية

حرفك رصاص من قلم

الشعر عنوان ليه

خليه راية وعلم

بالحق اكتب بية

يا زارعين اللحى

وكلامكم كله فى دين

الكرسى ماله صفة

شقيتوا الوطن نصين

بتقوم تقول وسطنا

ان احنا ناس كافرين

ونسيت كلام ربنا

حافظلك يا دوب آيتن

دى مصر دى امنا

ولا انت جاى منين

عايزتكون مننا

ايدينا ليك ممدودة

اهتف وقول رايك

خليك بعيد م الدين

هانسمع وخد راحتك

والالفة موجوده

لا مرسى كان نبى

ولا انتم من الصالحين

رب العباد واحد

والقبر فيه ملكين

بلاش تكون غافل

هاتخسر في دنيا ودين

ولا حد يوم ينفعك

وهتبقى م الظالمين

خللى الضمير في عينيك

واحفظ حدود بلدك

اللى بنيته سنين

هايضيع على ولدك

واعمل بشرع ودين

تعلى راية مجدك

الكل يفرح بيك

ساعتها يا سعدك

خللى السلاح صاحى

يا جيشنا يا مغوار

الشعب كله معاك

هنكمل المشوار

انت اللى حامينا

واحنا معاك في جدار

نرهب اعادينا

وانت عمود الدار

قاسى على الاعداء

وكل خسيس غدار

يا شعب مصر انتفض

الكل ايد واحدة

نعرق مع البنيان

ونقسم الضحكة

مصر دى غالية عالينا

وولادها متحدة

وهاكتب حروف بالقلم

تقراها تقول وحدة

ياحاملين القلم

اوصف جراح ارسم فرح

اياك تفرق قلوب ع الحب متحدة