ومنين القساوة ، بقلم / سيد نصر

ومنين القساوة

ها تجيبها

جت في يوم

قلتلك ابعد عنها

ماتشربش من نيلي

ولا تاكل في ظلي

ومنين القسوه

وكل يوم

لما تيجي تقوم

نوقعها

وتضحك وتداري دموعها

وبعيد عننا تداري

جروحها

ومنين القسوة

والشمس فيها طيبة

والارض سوده والصحاري

مسيبة

ضفايرها

للي يقول هاتي من جمايلها

ومنين القساوة واحنا اللي قلبنا قاسي

حب الرياسه

سهم في قلبنا

قاسي

عمل غشاوه على عينينا

ما بقناش شايفين ايدينا من

رجلينا