حاسب ، بقلم / محمود وحيد
حاسب
خلى بالك
اللى جنبك ده اخوك
واللى قدامك
داصاحبـــــك
والعجوز دا ذى أبــوك
واللى واقفة
هناك بتهتف
إوعى ليها يحرضوك
إختلافنــــا
مش خلاف
إحنا مش
غاويين هتاف
احنا شعب
فى أصله طيب
إوعى فينا يخدعوك
لو حقيقى
النيل فى دمك
لو بجــــــد
مصرأمــــــــــك
يبقى حاسب
إوعى تغلط
دول غرضهم يهدموك
لما ثورنـــا
كان هدفنا
إن فجر الخير
يشوفنــــــا
بس تاه
الحلم منا
وإلتقينا الدرب شوك
العدالة
مال ميزانها
لسة مش
لاقية زمانها
حبة برة
وحبة جوه
والديابة بيرصــدوك
نفسهم
دمك يسيـــل
حلمهم
فى فرات ونيل
قدروا فعلا
يقسمونا
شتتونى وشتتــوك
يا ابن بلدى
صون ترابك
إوعى تغرس
فيا نـــــابك
دا اللى
صابنى
بردو صابك
حط إيدك ف إيد أخوك
ليست هناك تعليقات
إرسال تعليق