تـــــــــانــى تـــووووت : بقلــم / محمــود وحيـــد

توت على توت والموت صباحى

حتى ان عشت فميت صاحـــى

عين مفتوحه ونبض مفيــــش

كله خلاص بقى فى التهميش

أصرخ نادى قــــــــول يا اولادى

الله يرحم عز بـــــــــــــــــلادى

كنا وكــــــــــــــانت

هنا فهــــــــــــانت

سرقوا عقولنا

قالوا فقولنــــا

ما بقاش ينفع علو الصوت

توت على توت

=============

توت على توت اسكت ما تقولشى

احسن ليـــــــــــا وليك كدا نمشى

تاه الحق فى زمن الوالى

أه يا مراتى وأه يا عيالى

كل ما اقول بكرة هتتعدل

ألقى الهم بهم اتبــــدل

واسمع تانـــــــى

بعلو الصــــــــوت

قطر السكــــــــة

بيقول تـــــــــوت

توت على توت

=============

توت على توت دستور يا بلادنا

ثورة واخدت منا ولادنـــــــــــــــا

شعبى بيرقص وسط السلم

نازل طالع شعبى اتبلــــم

ما بقاش فاهم مين مع مين

يمشى شمال طب ولا يمين

ولا يغمض عينه ويمشــــــــى

على إيه نفهم وما نفهمشى

موت ياحمار مستنى عليقك

دقنى أهى لو تبلع ريقــــــك

موتة بموتةفى الاخر مـــوت

ما بتفرقش سكوت أو صوت

ولو هيقولك مالك

قوله

انا طول عمرى

باغنى التـــوت

توت على توت