بأختصار بقلم : محمد الشرقاوي‏

بأختصار دي حكايتك
وحكايتي
علشان افكرك
ويفضل دمعك علي
الخدود يجري
ولو قدرتي تغمضي
استحالة تستجيب
الجفون لك وترخي
يلا اسمعي
يمكن تفهمـــي
وبدون ما تشربي
قهوتك مع كلامي
حتسهري
زمان أنا قلت لك
انتي خلقتي من
ضلعــــــــــي
يعني انتي حتة مني
يعني انتي انا
وانا انتـــــــي
وقلت لك انتي البداية
ومعاكي حتكون نهايتي
سمعتي كلامي
واتبسمتي
انا فكرت انك انبسطتي
واتاريها بسمة موافقتك
تعجلي بنهايتي
لكن ياتري انا اللي
صمـــدت
ولا انتي اللي نجحتي
وبأختصار علشان ما تملي
ضلعي اللي انتي منه
انا بترتـــــــــــــه
وكسبت انا وانتي
خسرتـــي
لاني انا اللي وفيت
وانتي اللي خنتـــي
انا من نجاح لنجــاح
وانتي امرتـــــــــي
انا طلعت لفوق
وانتي للحضيض
نزلـــــــــــــتي
وعلشان تتأكدي
اسئليهم بيقولوا ايه
عنك وعنـي
هما نفسهم اللي
انخدعتي بيهم
وخرجتي معاهم
وسهرتــــــــــي