القربان ... بقلم / عزيز موسى
بقلم / عزيز موسى
ولأنك منىّ
ولأنى كمان من نبض وريدك
...
ولأنى كمان من نبض وريدك
...
أرفض أكون ف البدء شهيدك
أرفض أسكت
لما أشوف الغدر ف ايدك
ينزع أسمى ورسمى بخنجر مسموم
أرفض أكون القاف...
الضايعه
ف دوامة الـ هــ
أرفض أكون.......
أو أرحل ف سكون
ولا دمعه حزن تودعنى
ولا حفرة ف الارض تلم البدن العريان
ولا كلمه تقول كان فى انسان
شارب من لبن الصبح
لون الضىّ
المليان أحزان
ولأنك منىّ
ولأنى كمان...............
أرفض أكون
قربان............
ليست هناك تعليقات