قلب تحت الحصار .. بقلم أ / سميرة الأسريجي

 

بقلم / سميرة الأسريجي

 

قلبى تحت الحصارومتكتفه ايديا
مش قادره اشوف النور ومتغمضه عنيه
ورغم الالم والجرح الصبر اصبح غيه
...

ياقلبى يامسكين-مكتوب تفضل حزين
تشرب كاس الانين وتنحرم ماالميه
محبوسه فيا دموعى ممنوع عليا رجوعى
كتر الالم فى ضلوعى هد الالم فيا
احزانى وخدانى والوحده عشقانى
والفرحه نسيانى وتعبت لياليا
احلامى ممنوعه واهاتى مسموعه
وقلبى تحت الحصاروقايده فيه النار
ومافيش فى ايدى قرار يرضى الأنا فيا
يارب خلينى ارجع فى يوم ليا
واعيش فى العمر لحظه حاسه بحريه