طيـــــــور الظلام ** بقلم/حلمى قاسم
لما يحل الظــــــــــلام
بتظهر الوطاويط
تسرق دفا الايام
وتخنق الزغاريط
وتقتل الاحــــلام
وتزرع الاوهــام
تبدر بذور الخــــــوف
وتفـــــــرق اللمه
**
وتنتهــــى الحواديت
والحق يقلب زور
والارض تفضل بور
احـــــوالنا تتبدل
والحــــــر يتبهدل
والطيبه تدمــر
والندل يتأمــــــــــر
والدنيا تتشقلب
والحيره تتغلــــب
والشمس هاتروح
تغيب ماترجعشــــى
والخطوه وخدانا
على فين مانعرفشى
وعيونا مش شايفه
م الضلمه والعتمه
يا ترى نمشى ونكمل ؟
وبقلـــــوبنا نتأمل
ولا هانستسلـــــــــم
لظلامنا وطيـــــــوره
=============
ليست هناك تعليقات