بنات الليل ... بقلم أ / جيهان فتحي

بقلم / جيهان فتحي

 

بنات الليل ..
...

بنات توجع ..
بقلب الليل ..
بنات ضاعت ..
كمان باعت ..
سنين الويل ..
كتير رسمت ..
شموع تنقاد ..
ف حلم جميل ..
ف يوم فاقت ..
على كسرة ..
وقلب ذليل ..


تروح تشكي ..
وجع روحها ..
صدى صوتها ..
سمع بوحها ..
وقامت واقعة ع المسرح ..
بشكل هزيل ..
ذئاب جريت ..
حواليها ..
تطفي الشمس ..
ف عنيها ..
وبالمطمع
وبالمخدع
سقوها كاسات تنسيها
مرار العمر ده أجمع


وجا القاضي وجلاده
وهي واقفة على بابه
ذليلة ما لها أي وش
بلا أسباب ومين يشهد
وقف يحكم ويتحكم
كأن الدنيا مفيهاش غش
شموس تصرح
نجوم تشهد
مفيش حوا بلا أدم
تعيش الغش
بنات الليل عارهم ويل
وليه تتقربوا منهم
يادود المش
كريم أخلاق
م مدش إيد ولا ساعد
ولا هيكون ف يوم ساعد
بغير القرش

يا كل الجلادين فوقوا
بناتكم فين ؟؟؟
تشتهوا الفاكهة ولما تطيب
تشتروا منها كده رطلين
بسحر المال غويتوا بنات
وسوقتوهم
ولما تشبعوا منهم
تقولوا جاي بنات الليل
وترموهم
يا كل رجال ولا تنسوا
ده هم يومين
وأخرتهم
ده ليل عتمة
داخل مترين