حسبنا الله ونعم الوكيل ... بقلم الشاعر / حلمي قاسم

بقلم / حلمي قاسم

 

تووووت ...تووووت
كل شويه القطر يفـــــــــــــــــوت
يعمل حادثه وناس بتموت
...

نقطه وكلمـــــــه بداية سطر
حكاية قديمه حكاية القطـــــــــــــر
كل ما ننسى يفكروها لنا
بدم جديد مـــــــــــــــــن دم عيالنا
والله ده شىء بقى مش معقول
مين الغلطان فين المســـــــــــؤل؟؟
كل ما نسأل ايه الحل
يقولوا كلها بكره وهانكــــــــــــون فل
كلام ف كلام زى الاحلام
وعمر الفكر ما كان قدام
دايما نلقى الحل روتينــــــــــــى
عزل موظف بينه وبينى
ونرجع تانـــــــــــى لنفس الامر
نشوف بعنينا نهاية العمر
اصلنا نكره وملناش عازه
كل شويه بننعـــــــــــــى جنازه
و مكتوب لينا نعيش ف عذاب
حتــــــــــــــى ان موتنا ميتـتنا هباب