دمعة فرت من عنيا ,,, بقلم الشاعر / يسري الفار

 

 

بقلم / يسري الفار

 

دمعه فرت من عينيا
مش لاقيكي بين ايديا
والمواجع رايحه جايه
بلــدي يا..غـــاليه عليا
,,,
...

ضَلمِت شمسِك و نُورك
ضَيَعِت أرضِك وسُورك
والعِدا حَفروا ف قبورك
لما فرطتي ف أمورك
*
ضَيعوا شــَـرقِك وغَربِك
سَكِنوا الغربَان ف دربك
وزعوا الاحزان ف قلبك
كفروا ف ناسِك وشعبك
***
من زمان واحنا ف وجودك
من سـنين عــارفين حدودك
كانوا فين هما ف رقودك
كانوا عايشين زي دودك
,,,
هما مين ,,, وكانوا فين
ومين ملك ,, وباع لمين
وبأي حق,,,, وأي دين
مين شيطان ومين أمين
***
دمعه فرت من عينيا
مش لاقيكي بين ايديا
والمواجع رايحه جايه
بلــدي يا..غـــاليه عليا