بنت اسمها عزة .. بقلم الشاعر / عزيز موسى
بقلم / عزيز موسى
البنت اللى أبوها
مسميها عزة
...
مسميها عزة
...
ودلعها ف الحارة وزة
هزت قلب الشاعر هزة
بقى ليها مكان جواه
بقى ليها معزة
بقى نص الدنيا عنيها
وعنيها الدنيا ف غمزة
البنت اللى اسمها عزة
من مصر وجدعه ياناس
تسقيك الحب ف كاس
ولا يوم تنهان
ولايوم تنداس
جدعه وبلدى وبت عفيه
محاميه ودكتورة وصحفيه
وكمان تلاقيها
ف غيطها رافعه الفاس
ايدها ف ايد الجدع اللى اختارها
أم ولاده
وعنيها ف وسط الراس
.............................
البنت اللى اسمها عزة
من غزة هناك
واقفه وراك
شايله الحمل معاك
وبتحضن دمك ياشهيد
ولايوم تنساك
ووليد من بعد وليد
وبتستناك
وتشيلك ف عنيها بارود
وحدود
مرسومه لحماك
ياوطنها المصلوب جواها
ويارمز العزة
ولا تخلص حكايتها
البنت اللى اسمها عزة
ليست هناك تعليقات