واخدينا فين .. بقلم أ / محمد هيكل

 بقلم / محمد هيكل

 

واخـديـنـا فـيـن .... يـامـوحــديــن
...

ما تـفـهِّـمـوني السـكـة دى هـتْـنَـجّـي مـيـن !؟
واخـديـنـا فـيـن .... يـامــؤمـنـيـن
و اللـي إحنـا فيـه دا كلـنـا دا فـ أنــهي ديـــن !؟

إحـنـا اللي فـ عنينــا الـبـراح محــروم دفــا
و إحـنـا اللي جــوَّانـا الـجــراح مـتْـسَـتِّـفَـه
إحـنـا اللي راح ...
و إحـنــــا الـلي جـــــاي مـلــوش صِــفَــة
إحـنـا الـغـلابـة الـطيبين .. طب وانتو مين !!!؟
. . . . . . واخــــديــنَّـــا فـيــن !؟ . . . . . .

يـسـتــركــــوا رب الكـــــــون بَـقَـى
صـعـبــة الـمـتــاهــه
تـاخــدوا بـإيـــديـن تـعـبـتْ شـقَـى
و كـرهـتْ شـقــاهـا
الـخـــــوف طــــــرح ذُل و هــــــوان
و الـجــــوع بـيـصـــرخ ع الـبـيـبـــان
هـــوَّه اللي خــــايـف و الـجـعــــان
إزاي تـنـــــام لُــه فـ لـيـــلـة عـيـن !؟
. . . واخــــديــنَّـــا فـيــن !؟ . . .

لـيـالـيـنـــا مـش قـــــادرة تـفـــــوق
و الــنـــــار كـاوتْـنَــــا
و الـشـمـس ليـه كـارهـه الشـروق
على سطـح بـيـتْـنَـا .. !؟
حـتـى الـقـمــــر نــايــــم جـعــــان
مهمـوم قـــوي و مكســوف يـبَــان
مـيـن دا اللي حـاسـس بـالأمـــان !؟
مـيـن دا اللي مـش قلبُـه حــزيـن
. . . واخــــديــنَّـــا فـيــن !؟ . . .

إحـنـا اللي فـ عنينــا الـبـراح محــروم دفــا
و إحـنـا اللي جــوَّانـا الـجــراح مـتْـسَـتِّـفَـه
إحـنـا اللي راح ...
و إحـنــــا الـلي جـــــاي مـلــوش صِــفَــة
إحـنـا الـغـلابـة الـطيبين .. طب وانتو مين !؟
. . . . . . واخــــديــنَّـــا فـيــن !؟ . . . . . .
. . . . . . واخــــديــنَّـــا فـيــن !؟ . . . . . .