الحلم العربي......!!! بقلم : {ضياء الإدريسي}
الحلم العربي......!!!
يا حلم خايف من النهار
أنا بعترف إنك جبان
إنك كمان
خايف لتعلن يوم وجودك
شوف حدودك ، مين ملكها
شوف دروبك ، مين سلكها
مين سلبها ، قوة كانت ،
جوة فارس ، هز فارس ، كسري ، قيثر
والرومان . !!!
اسأل تبوك ، فين الملوك ،
فين التيجان .؟
لساك كمان ، خايف لتعلن
يوم وجودك !!!
فين ردودك .؟
عالجنين اللي اتقتل ، صمت وخجل !!!
ولا صورة معلقة ، وذكرة شهيد
ولا دمعة غذب عنك ،
لما تسمع النشيد .
ازاي اشيد !!!
وانت دورك ف المسلسل المشاهد !!!
ازاي تشاهد المشاهد .
وانت شايف
البطولة رافضة تبقى للبطل !!!
سحرك بطل .؟
ولا انت خايف البداية تبقي منك .؟
يبقي خوفك ، قل منك .
يبقي ذلك ، ذل منك .
لو تعيش تحلم ببكرة
وانت خايف م الشروق ....
*******
*******
(حلم خايف ، يبقى شايف ، ضعف فيه )
********
الإبن البار للأمة العربية
{ضياء الإدريسي}
ليست هناك تعليقات