رايحيين على فين ... بقلم الشاعر / حلمي قاسم

بقلم / حلمي قاسم

 

على وترالقلب و دمع العين
انا المسكين بعزف لك
ولحنى حزين واغنى لك
...

واقول مواويل صبح وليل
وحبى ليكى صبرنى
على اللـــــــــــــى انا فيه
واللى فى قلبى انا مخبيه
بس انا عندى ليكى سؤال
ونفسى تردى وتجاوبيه
تصارحينى تقولى انا مين ؟
ووخدانى ورايحه لفين؟
وليه عايش بقى لى سنين!
انا فيكى اشـــــــــــــــوف
بالعين جـــــراح وانين
وليه ماشيين انا وانتــــــى
فى ليل عتمه وليه تايهيين
ولا عارفين نروح على فين
واخر السكه هايكون ايه
وليه وخدانى وياكـــــــى
و سحبانى على هواكــــــى
عشان اخرس مابنطقشى ؟!
ولا اعمى و مابشوفشــــى؟
ولا عشـــــان انا عاشقك
تقومــــى عليا تستقــــــوى
تهينى تدوسى وتزلـــــــى
يا حرمانــــى حنان حضنك
و كويانــــــى بنار هجرك
وطول عمرك مخصمانى
مع انــك فــــــى وجدانـــــى
و انا منك ومـــــن لحمك
ومـــــن دمك واشيل همـــك
وحضنى ليكـــــى بيضمك
و اعمل ايه عشان ترضى
واعيش فيكــى و انا مرضى
طب امشى بعيد انا واهرب؟
الملم نفســــــى واغــرب
وكيف ابعد وانتـــــــــى الام
ومين غيرك لقلبى يضم
ولو هابعد هاروح على فين
مفيش غيرك بيملى العين
ولا مطرح يريحنـــــــــــى
و مهما جفاكى يدبحنــــى
معاكى العمر كله يهـــون
فداكى يا غاليه ننى العين
بس تردى وتجاوبــــى
تقولي معاكـــــــى رايح فين ؟