ابني راح ... بقلم الشاعرة / منال عفيفي

بقلم / منال عفيفي

 

يعنى ابنى ينام ف حضنى
فجأة أصحى يقولوا مات

...

صوت صراخه جوا ودنى
قال ياأمى القطر فات

فوق دماغى فات فرمنى
بعد صوته جه سكات

آه ياريتنى مت يابنى
ده انت فرحة عمر فات

قلبه حس بيا خدنى
باس إيدية من ساعات

عارفة إنه فوق شايفنى
راح وفات لى الذكريات

ضهرى بعدك يابنى محنى
نار فراقك للممات

مين يحوش الحزن عنى
مين ها يرجع بالساعات

واخده تانى ينام ف حضنى
وانسى كلمة... ابنى مات