الانذار الأخير ...... بقلم الشاعر / محمد توفيق
بقلم / محمد توفيق
ياشعب يابن الايه
بتقولى ليه مغلوب
...
بتقولى ليه مغلوب
...
هتموت بضرب الجزم
هتموت برجم الطوب
بيسوقك الاجنبى
وتقوللى ده مكتوب
ياشعب ياابن الايه
ايمتى تقوم وتفوق
==========
شعارات ورا شعارات
تهدف لكل خسيس
وحافظ الادعيه
والحج والصلاوات
وتنام مع ابليس
نفسى اشوفك كده
واقف كده زنهار
حازم بدون تدليس
ياشعب ياابن الايه
دول شبعوك تهليس
------------------------.
استفتا ع الدستور
وقلت رقع فيه
الأه تخش الجنه
واللى يقول لأ
نفسك تولع فيه
صوتك لاكبر (فل) (مفرد فلول)
اوعى فى يوم وتكل
خليك على عهدك
بهدل فى أم امنا
بعبطك وغباوتك
طول ما الفنون قعدتك
والكوره دى لعبتك
وحديثك اليومى
عن التراس الاهلى
او التراس المصرى
حيرتنى فى تصنيفك
واحترت اعرف دينك
او حتى دين اهلك
ياشعب ياابن الايه
بهدلتنى بغباوتك
--------------------.
نفسى تكون كالبشر
وييجى يوم وتحس
الثوره اكلت بشر
لجل تعيشوا فى عز
يهون عليك دمهم
وكأنه ميه بمش
يبقى فقدنا الامل
انك تكون كاالبشر
اهم من اكلتك
عدلك وحريتك
ياشعب اصحى بقى
قبل الشيطان ما يفز
ليست هناك تعليقات