سكة سفر ..... بقلم أ / علي فرج

 

 

 

 

 

 

بقلم / علي فرج

 

قدامي سكة سفر ،، معرفشي رايحه لفين ؟
قالت حكيمة الغجر ،، شايفاها اهو بالعين !
...

خلّتني احس بخطر ،، مع اني عارف زين ،
مقدرش اغير قدر ،، وان كنت م الصالحين .
،،،،،،،،،،،،،
قلبي ياناس انفطر ،، دِلّوني يا عالِمِين ،
مش عايز افارق حبايبي ،، لو حتى اعيش بالدّين !
م العمر عمّال بيجري ،، طاير بدون جناحين ،
من كتر حب الحبايب ،، نفسي أعيش عُمرين ،
،،،،،،،،،،،،،،
قالولي يابني انتظر ،، والحأ لرب الكون،
ولا تنشغل بالغجر ،، وبتوع أبين زين ،
العمر أصله قدر ،، والرزق فيه مضمون ،
والحب أجمل قدر ،، هتسيبه وتروح فين ؟