سـنـه بقَلَّمَ ; أَحََّمِدَ عادَََلَ

سـنـه

بقَلَّمَ ; أَحََّمِدَ عادَََلَ 

----------------------------


سـنـه . بالتـمام والكمـال
عـدت وكانه حلم .
كابوس خيال ..
لو كان الوقت غير الوقت
كنت قولت وقولت وقولت
اى شئ وكل شئ ..
الا انه يكون حقيقى ..
واتبـدل الحال بحال ...
اه من غباء قلبي اللى فكر
ان اليـوم ده صعب يجي
وان الفراق كان مُـحال ...
وتعدى سـنـه . بالتـمام والكمـال

سـنـه ..
كل يوم ااقعد
واكتب حروف اسمه
وادندنها والحنها
واغنيها مع الصبر موال
وابعت مع الليل مرسال
ومع الصبح مرسال
ومع القمر والشمس والنجوم
تزيد الهموم
وتعدى سـنـه . بالتـمام والكمـال


ســنــه
وشهر والتانى بيعدى
وانا لوحدى
قاعد ومستني
ولسه العين بتدور
على حاجه ضايعه منى
والقلب بينهنه
تقولش بيغنى ...
واجيب عذر ورا التانى
واقول ممكن , وأصل , واحتمال
وتعدى سـنـه . بالتـمام والكمـال


سـنـه
زادت بعمري , بالانتظار
حاجات كتير مرت جانبي
وولا شوفتها . ماحستهاش
باختصار .. يمكن اكون عايش
والعمر لسه مانتهاش ..
ويمكن يكون كل اللى باقي منى
ذكري لفتره عدت ..
عيشتها فى بعدك وماعيشتهاش
هي سـنـه . بالتـمام والكمـال

17 - 10 - 2012