بعد البعاد بقلم : سميره الاسريجى

 

بعد البعاد

بقلم : سميره الاسريجى
------------------------------
لما تغيب قلبى بيغضب من بعادك
ويشتكيك لعقلى ويوصفولو غيابك
تفضل ظنونى تقول لقلبى ابعد ده سابك
يمكن نسيك ولانسى ايام ماكان واقف ببابك

واغضب واثور وافضل اقول
خلاص كد هابعد واسيبك
وتقولى نفسى
مش ده اللى كان بيقول زمان انه حبيبك
واقولها خلصت خلاص بنا الحكايه
يبعد وهابعد وقلبى اهو لسه معايا
وافضل اقول لنفسى لو طلبنى هاكسفه
او مش هارد عليه واسيبه واعذبه
وان حتى قالى اى عذر هاكذبه
وارجع الاقينى بحن لرنته
واما يرن اقول خلاص راحه ابكته
اول ماسمع صوته شوقى يهدنى
الاقينى مش عارفه اقول غير كلمه واحده
وحشتنى
وكل كلمه يقولها ارد وحشتنى
عاوزه اقوله بعدت ليه
الاقينى قلت وحشتنى
والاقينى انا ظلماه قوى
والاقيه كمان بيحبنى
لما يقول مشتاق حبيبى
وحشتنى
بنسى كل الدنيا ديا وافتكر
انك ياعمرى وحشتنى
-----------------------
بقلم : سميره الاسريجى
(مامانونه)