نفسي ...... بقلم أ / علي فرج

 

بقلم / علي فرج

 

نفسي تاخديني ف حضنك

نبتدي أجمل حكاية
تفقلي قلبك عليا و
تبقى دي أجمل بدايه
نفسي انام جوه عيونك
وابقى ف الاحلام روايه
نفسي أتوسد جفونك
والرموش تبقى غطايا
نِفسي نَفسي تدوب ف نَفسِك
تبقى طول عمرك معايا
نفسي لو حسيت بألمي
بسمتك تبقى دوايا
نفسي لو نزلت دموعي
تبقى حاسه ليه بكايا
نفسي لمّا الليل يليّل
تبقى نجمة تزين سمايا
نفسي اتمرّغ في ضلّك
والهوى يبقى هوايا
نفسي زي الطفل الاعبك
واسبقك .. تجري ورايا
نفسي ادوق مايّة سبيلك
يرتوي بيها ظمايا
نفسي أزرع فيكي وردة
وتصونيها للنهايه
نفسي لما الوردة تطرح
تبقي تحكيلها الحكايه !!!